کرونا وائرس کے سبب پولٹری فارم انڈسٹری کا بھاری نقصان

کورونا وائرس کے خوف سے پولٹری فارم انڈسٹری کو بھی سخت نقصان اٹھانا پڑا ہے۔ پولٹری فارم مالکان جلد سے جلد اپنا مال فروخت کر جتنی بھی ممکن ہو رقم خالی کرنے کی کوشش کر رہے ہیں۔ مئو کے پولٹری فارم مالک چکن سے کرونا وائرس پھیلانے کی افواہ سے پریشان ہیں۔

ہرسال مارچ ۔ اپریل کے مہینے پولٹری انڈسٹری کے لیے بہت اچھے ہوتے تھے۔ مارچ ماہ میں ہولی تہوار اور شادی کا سیزن شروع ہونے سے چکن کی قیمت دو سو روپے کے قریب رہتی تھی، لیکن اس سال یہ تھوک ریٹ میں صرف 20 سے 25 روپے رہ گئی ہے۔

پولٹری فارم مالک کسی طرح اپنی جمع پونجی محفوظ کرنے کی کوشش کر رہے ہیں، حالانکہ اس کوشش میں وہ ابھی تک ناکام ہیں۔

کچھ پولٹری فارم مالک پرائم منسٹر روزگار یوجنا میں لون لیکر کاروبار کر رہے ہیں۔ ایسے پولٹری فارم مالکوں کا کہنا ہے کہ اس مرتبہ وہ قرض کی قسط بھی جمع نہیں کر پائیں گے۔