Firecracker Explosion In Pilibhit: پیلی بھیت میں آتش بازی سے دھماکہ، تین بہنیں ملبے کی نیچے دبی

پیلی بھیت کے کوتوالی جہان آباد کے علاقے میں آتش بازی سے دھماکہ ہوا، جس کے نتیجے میں مکان منہدم ہونے سے تین بہنے ملبے میں دب گئیں۔ وہیں پولیس نے مقامی افراد کی مدد سے تینوں بہنوں کو ملبے سے نکال کر اسپتال پہنچایا۔ زخمیوں کی حالت نازک بتائی گئی ہے۔Firecracker Explosion In Pilibhit

اترپردیش کے ضلع پیلی بھیت کے کوتوالی جہان آباد کے علاقے میں منگل کو ایک آتش بازی کے مکان میں کثیر مقدار میں رکھے پٹاخوں کے ڈھیر میں اچانک آگ لگنے سے اس میں ہوئے دھماکے سے مکان منہدم ہوگیا اور اس کے ملبے میں تین بہنیں دب گئیں۔Firecracker Explosion In Pilibhit

جہان آباد کوتوالی پولیس کے مطابق آتش بازی نے اپنے گھر میں پٹاخے اور آتش بازی کا سامان وافر مقدار میں جمع کر رکھا تھا۔ پولیس نے بتایا کہ محلہ مشرن ٹولہ میں آتش بازی عظیم بیگ کا دو منزلہ مکان ہے۔ انہوں نے آتش بازی بنانے کے لائسنس لے رکھا ہے۔ اس کے لیے آبادی سے دور گودام بھی بنایا ہوا ہے۔ اس کے باوجود پٹاخے اور آتش بازی کا گھر میں بھی بڑی تعداد میں اسٹاک لگا رکھا تھا۔

پولیس کے مطابق منگل کی دوپہر تقریبا تین بجے مکان کے اندر اچانک دھماکہ ہونے پر کنبے کے افراد باہر بھاگے لیکن عظیم کی تین بیٹیاں مکان کے اندر ہی پھنس گئیں۔ پولیس نے مقامی افراد کی مدد سے تینوں بہنوں کو ملبے سے نکال کر اسپتال پہنچایا۔ زخمیوں کی حالت نازک بتائی گئی ہے۔

یو این آئی