'کئی ہندوستانی دلت، مسلمان اور قبائلیوں کو انسان نہیں سمجھتے'

اترپردیش کے ضلع ہاتھرس میں مبینہ طور پر پیش آئے اجتماعی جنسی زیادتی کے واقعہ پر راہل گاندھی نے یوگی حکومت پر ایک بار پھر جم کر نکتہ چینی کی ہے۔

اترپردیش کے ضلع ہاتھرس میں 14 ستمبر کو ایک 19 سالہ دلت لڑکی کے ساتھ مبینہ طور پر اجتماعی جنسی زیادتی کی گئی تھی اور بعد میں لڑکی کی موت ہوگئی تھی۔

فی الحال ہاتھرس معاملے کی جانچ مرکزی جانچ بیورو (سی بی آئی) کو سونپ دی گئی ہے۔

کانگریس کے سابق قومی صدر راہل گاندھی نے ٹویٹ کر کے ہاتھرس کے واقعہ پر ایک بار پھر اترپردیش حکومت کو ہدف تنقید بناتے ہوئے کہا کہ 'شرمناک سچائی یہ ہے کہ 'کئی ہندوستانی دلت، مسلمان اور قبائلیوں کو انسان سمجھتے ہی نہیں ہیں'۔

وائناڈ سے رکن پارلیمان نے کہا کہ 'وزیراعلی اور ان کی پولیس کا کہنا ہے کہ وہاں کسی کے ساتھ جنسی زیادتی نہیں ہوئی تھی کیونکہ ان کے لیے اور کئی دیگر ہندوستانیوں کے لیے متاثرہ کوئی نہیں تھی'۔