بیگوسرائے میں کورونا وائرس کے متعدد مشتبہ مریض

ریاست بہار کے بیگو سرائے ضلع میں کورونا وائرس کے کئی مشتبہ مریض صدر ہسپتال پہنچے ہیں۔

انچارج سول سرجن ڈاکٹر ہری رام کمار نے آج یہاں بتایا کہ ضلع میں کورونا وائرس کے اب تک کل نو مشتبہ مریض ملے ہیں جس میں امتیاز کو بہتر علاج اور آگے کی جانچ کے لئے پٹنہ ریفر کر دیا گیا ہے۔ اس کے علاوہ کئی دیگر مشتبہ بھی ملے ہیں جو مختلف ملکوں کا سفر کر کے لوٹے ہیں۔

ڈاکٹر کمار نے بتایا کہ اس وائرس سے متاثرہ مریضوں کے علا ج کے لئے ہسپتال میں الگ وارڈ کا نظم کیا گیا ہے۔ حالانکہ انہوں نے قبول کیا کہ بیگو سرائے میں جانچ کا مکمل انتظام نہیں ہونے کی وجہ سے مشتبہ مریضوں کو بہتر علاج کیلئے پٹنہ ریفر کیا جا رہا ہے۔