جنسی زیادتی کے ملزم کو دس سال قید و جرمانہ کی سزا

اتر پردیش کے پرتاپ گڑھ ضلع سیشن جج انیل کمار جھا نے منگل کو ورچول کورٹ میں سماعت کرتے ہوئے گھر میں جبراً گھس کر دوشیزہ کے ساتھ جنسی زیادتی کرنے والے ملزم کو دس سال قید و جرمانہ کی سزا سنائی ہے ۔

استغاثہ کے بموجب تھانہ سنگرام گڑھ علاقے کے پونیری نوڈھیاء گاوں میں 3 اکتوبر 2016 کو ملزم گووند نے جبرًا گھر میں گھس کر دوشیزہ کے ساتھ جنسی زیادتی کی ۔

متاثرہ کے والد نے پولیس میں ملزم کے خلاف کیس درج کرایا تھا۔ ورچول کورٹ میں ضلعی جج نے سماعت کرتے ہوئے ملزم گووند کو دس سال قید و 81 ہزار روپیہ جرمانہ کی سزا سنائی ہے ۔

کووڈ 19 کے بعد ضلع میں عدالت کا یہ اول فیصلہ ہے جس میں سزا سنائی گئی ہے ۔