بارہ بنکی: سڑک حادثے میں کار سوار شخص کی موت، 4زخمی

لکھنو سے ایودھیا جارہی ایک تیز رفتار کار دارا پور گاؤں میں سڑک حادثہ کا شکار ہوگئی ۔اس حادثے میں کار سوار شخص کی موت ہوگئی وہیں چار دیگر افراد زخمی ہوگئے۔

اترپردیش کے ضلع بارہ بنکی شہر کوتوالی علاقے میں آج لکھنو سے ایودھیا جارہی ایک تیز رفتار کار دارا پور گاؤں کے پاس کھڑی منی ٹرک سے ٹکرا گئی جس سے کار سوار شخص کی موت ہوگئی، جبکہ دیگر چار زخمی ہوگئے۔

پولیس ذرائع کے مطابق شہر کوتوالی علاقے میں لکھنؤ۔ایودھیا نیشنل ہائی وے پر دارا پور گاؤں کے نزدیک سڑک کنارے کھڑے منی ٹرک میں لکھنؤ سے ایودھیا کی جانب جارہی تیز رفتار کار ٹکرا گئی۔ حادثے میں کار سوار بلند شہر کے ڈابر باشندہ رمیش چندر کے بیٹے شیو کمار کی موقع پر موت ہوگئی۔ حادثے میں کار ڈرائیور روندر کمار کے علاوہ اوم پرکاش، ببلو و دیگر زخمی ہوگئے۔

انہوں نے بتایا کہ حادثے کے بعد ٹرک ڈرائیور گاڑی کو لے کر فرار ہوگیا۔ حادثے میں زخمی سبھی لوگوں کو ضلع اسپتال میں داخل کروایا گیا ۔ کار سوار سبھی دوست رام للا کے درشن کے لئے بلند شہر سے ایودھیا جارہے تھے۔

یو این آئی