قرض سے پریشان صراف نے اہلیہ اور بیٹے کے قتل کے بعد خود کشی کی

ضلع رام پور کے بلاسپور علاقے میں قرض کی وجہ سے پریشان ایک صراف نے اپنی اہلیہ اور معصوم بیٹے کوطمنچے سے گولی مارکر قتل کرنے کے بعد خود کو گولی مار کر خود کشی کرلی، اس سے علاقے میں سنسنی ہے۔

اترپردیش میں ضلع رام پور کے بلاسپور علاقے میں قرض کی وجہ سے پریشان ایک صراف نے اپنی اہلیہ اور معصوم بیٹے کی تمچے سے گولی مار کر قتل کرنے کے بعد خود کو بھی گولی مار کر خود کشی کرلی۔

پولیس ذرائع نے بتایا 'بلاسپور علاقے ڈبڈبا سبھاش نگر کالونی کے رہنے والے 30 سالہ صراف پردیپ رستوگي نے جمعرات کے روز 25 سالہ اہلیہ پریتی اور تقریبا ََچار ماہ کے بیٹے سچن کا غیر قانونی پستول سے گولی مار کر قتل کر دیا اور بعد میں خود بھی گولی مار کر خودكشي کر لی'۔

انہوں نے بتایا 'پردیپ کی اتراکھنڈ کے رُد رپور میں زیورات کی دکان تھی اور قرض کے سبب وہ پریشان تھا اور اسی وجہ سے اس نے یہ قدم اٹھایا ۔ پولیس معاملے کی جانچ کر رہی ہے'۔