کورونا وائرس: مہاتما گاندھی کاشی ودیاپیٹھ یونیورسٹی میں تعطیل کا اعلان

ریاست اترپردیش کے ضلع وارانسی میں واقع مہاتما گاندھی کاشی ودیاپیٹھ یونیورسٹی نے دو اپریل تک امتحانات کو ملتوی کر دیا ہے اور ساتھ ہی سبھی اساتذہ و ملازمین کے لیے کورونا وائرس کی وجہ سے تعطیل کا اعلان کیا گیا ہے۔

ایک طرف جہاں ملک اس کورونا وائرس سے بچنے کے لیے احتیاطی تدابیر پر زور دے رہے ہیں وہیں اب تعلیمی ادارے بھی اپنے ملازمین کے لیے تعطیل کا اعلان کر احتیاطی تدابیر اختیار کر رہے ہیں۔

وارانسی میں واقع کاشی ودیاپیٹھ یونیورسٹی میں اس وقت امتحانات چل رہے تھے لیکن کورونا وائرس کی وجہ سے انتظامیہ نے 2 اپریل تک امتحانات کو ملتوی کر دیا ہے اور سبھی طلباء سے اپیل کی گئی ہے کہ احتیاطی تدابیر کے ساتھ خود کو اور اپنے علاقائی لوگوں کو بھی کورونا وائرس سے بچائیں۔

مہاتما گاندھی کاشی ودیاپیٹھ یونیورسٹی میں تعطیل کا اعلان

یونیورسٹی کے رجسٹرار نے کہا کہ دور دراز سے آنے والے ملازمین کو بھی اس تعطیل سے آسانی ہوگی۔

انہوں نے کہا کہ یونیورسٹی انتظامیہ ضرورت کے مطابق ملازمین کو طلب کر سکتی ہے لیکن فی الحال سبھی ملازمین کے لیے تعطیل کا اعلان کیا گیا ہے۔