بہار نے پہلے کھیلتے ہوئے 8 وکٹوں پر 73 رن بنائے۔ جواب میں مہاراشٹر نے ایک وکٹ کے نقصان پر مذکورہ ہدف حاصل کر لیا۔ مہاراشٹر کے رویندر نے 24 گیندوں پر 56 رن بنائے اور مین آف دی میچ قرار پائے۔
رویندر ٹورنامنٹ کے بہترین بلے باز بھی قرار دئے گئے۔ اس کے ساتھ ہی نوئیڈا کرکٹ اسٹیڈیم عالمی سطح پر نئی عبارت لکھنے میں کامیاب ہوگیا۔
اس کرکٹ ٹورنامنٹ میں 28 ریاستوں کی دیویانگ کرکٹ ٹیموں نے شرکت کیں۔ جو ملک ہی نہیں بلکہ دنیا میں فزیکل چیلنج کرکٹ کا اتنا بڑا ایونٹ منعقد نہیں ہوا جو دیویانگ کرکٹ کنٹرول بورڈ آف انڈیا ( ڈی سی سی آئی) کے زیر اہتمام نوئیڈا میں ہوا۔
اس طرح 600 سے زائد فزیکل چیلنج کھلاڑی ایک جگہ موجود ہیں۔ کسی بھی کرکٹ ٹورنامنٹ میں زیادہ سے زیادہ 14 ٹیمیں شرکت کرتی ہیں جس میں 150 سے 200 کھلاڑی شامل ہوتے ہیں لیکن یہاں 600 سے زائد کھلاڑی نوئیڈا کے مختلف ہوٹلوں میں قیام پذیر رہے۔
کرناٹک فزیکل چیلنج کرکٹ ایسوسی ایشن کی جانب سے منعقد اس ٹورنامنٹ میں پہلی بار ٹی 10 کرکٹ ٹورنامنٹ کا کانسیپٹ لایا گیا ہے۔ ایسوسی ایشن کے نائب صدر راجیو مشرا نے بتایا کہ دبئی میں منعقد ہونے والی ٹی -10 کرکٹ ٹورنامنٹ میں دیویانگ کھلاڑی یعنی فزیکل چیلنج کرکٹ کھلاڑی شامل نہیں ہوتے۔
مزید پڑھیں:
راجیو مشرا نے کہا کہ مستقبل میں آئی پی ایل کی طرز پر فرنچائزی متعارف کرائیں گے۔
