مرادآباد : تنخواہ کو لیکر مدرسہ ٹیچرز کا احتجاج

اترپردیش کے ضلع مرادآباد میں مدرسہ ٹیچرز نے تنخواہ نہ ملنے کو لیکر ریاستی حکومت کے خلاف احتجاج کیا اور اس موقع پر ایک میمورنڈم دے کر تنخواہ دینے کا مطالبہ کیا۔

ریاست اترپردیش کے ضلع مرادآباد میں کلکٹریٹ آفس میں مدرسہ ٹیچرز نے ضلع مجسٹریٹ کے ذریعہ وزیر اعلی یوگی آدتیہ ناتھ کے نام ایک میمورنڈم دے کر 54 مہینے سے رکی تنخواہ دینے کا مطالبہ کیا۔

مرادآباد میں تنخواہ کو لیکر مدرسہ ٹیچرز کا احتجاج

مدرسہ ٹیچرز نے کہا کہ مرکزی حکومت کی جانب سے 31 مارچ سنہ 2019 کو مدرسہ کے ٹیچرز کی تنخواہ ریاستی حکومت کو بھیجی گئی تھی۔ لیکن اترپردیش حکومت کے ذریعہ ٹیچرز کو تنخواہ نہ دیکر مرکزی حکومت کو واپس بھیج دی گئی۔ اسی بات سے ناراض آج مدرسہ کے ٹیچرز نے کلکٹریٹ آفس کے سامنے احتجاج کیا۔

احتجاج کرتے ہوئے اقلیتی بہبود افسر اور اسسٹنٹ رجسٹرار نے چٹ فنڈ افسر کے خلاف جم کر نعرے بازی کی۔

مرادآباد میں تنخواہ کو لیکر مدرسہ ٹیچرز کا احتجاج

مدرسہ ٹیچر نور بانو نے بتایا کہ 54 مہینے سے تنخواہ نہ ملنے کی وجہ سے مدرسہ ٹیچرز کی حالت بہت خراب ہوچکی ہے اور فاقہ کشی کی نوبت آگئی ہے۔