Mass Singing Of National Anthem مظفر نگرمیں طلبا کے ساتھ ساتھ تمام مذاہب کے لوگوں نے اجتماعی طور پر قومی ترانہ گایا

مظفر نگر میں واقع مصطفیٰ کالونی میں اجتماعی قومی ترانہ گانے کے مقصد سے ایک پروگرام کا اہتمام کیا گیا جس میں مدرسے کی طلبا کے ساتھ ساتھ تمام مذاہب کے لوگوں نے جوش و خروش کے ساتھ شرکت کی۔

مظفر نگر:ریاست اتر پردیش کے ضلع مظفر نگر میں سماجی کارکنان اور مسلم راشٹریہ منچ نے مصطفیٰ کالونی امبا وہار میں اجتماعی طور پر قومی ترانے گانے کے لئے ایک پروگرام کا اہتمام کیا۔مدرسے کی طلبا کے ساتھ ساتھ مقمی باشندوں میں اس پروگرام کو لے کر زبردست جوش و خروش پایا گیا۔

مصطفہ کالونی کے لوگوں نے سماجی کارکن منیش چودھری اور ان کی پوری ٹیم کی اس مہم کو خوب سراہا۔اس موقع پر موجود تمام طالبات اور معززین سے خطاب کرتے ہوئے سماجی کارکن منیش چودھری نے کہا کہ پچھلے ڈھائی برسوں سے فوجی بھائیوں اور قومی پرچم کے احترام میں مسلسل اجتماعی قومی ترانے کو گایا جا رہا ہے۔ ضلع کے مختلف مقامات پر سبھی مذاہب کے لوگو کو اتحاد کا پیغام دیتا ہے۔

اس موقع پر موجود تمام برادریوں کے لوگوں سے خطاب کرتے ہوئے مسلم راشٹریہ منچ کے سروس سیل میرٹھ صوبے کے کوآرڈینیٹر فیض الرحمن نے کہا کہ قومی پرچم، ترنگا ہم سب کی عزت، احترام اور عزت نفس کی علامت ہے۔ ایسے میں ترنگا پورے ہندوستان کو اتحاد کا پیغام دیتا ہے۔ سماجی خدمت ٹیم کی کوشش ہے کہ لوگوں میں قومی پرچم کے ساتھ ساتھ حب الوطنی کی تمام علامتوں کے تئیں قوم پرستی کا جذبہ بیدار کیا جائے ۔