لکھنؤ:خاتون نے پھانسی لگا لی

اترپردیش کے دارالحکومت لکھنؤ کے سعادت گنج علاقے میں پیرکو ایک خاتون نے پھانسی لگا کرخودکشی کرلی۔

پولیس ترجمان نے بتایا کہ سعادت گنج علاقے میں زیورات کی ایک دوکان پر کام کرنے والے وپن اوستھی کی بیوی سنیتامشرا(25) نے ساڑی کا پھندا بنا کر پھانسی لگا لی جس سے اس کی موت ہوگئی۔حادثے کے وقت وپن دوکان پر آگیا تھا اور اس کی بیوی اکیلے گھر میں تھی۔ وہ رانی کٹرا محلے میں کرائے کے مکان میں رہتا ہے اور سیتا پور کا رہنے والا ہے۔
انہوں نے بتایا کہ سنیتا کو مرگی آتی تھی۔ اس کی چھ ماہ کی ایک بچی بھی ہے۔ پولیس معاملے کی چھان بین کررہی ہے۔