سری لنکا میں ہلاک ہونے والوں کو خراج تحسین

بھارت کے پڑوسی ملک سری لنکا میں 22 اپریل کو ہوئے سلسلہ وار خود کش حملوں میں 359 افراد ہلاک اور 500 سے زائد زخمی ہوئے ہیں۔

اترپردیش کے دارالحکومت لکھنؤ میں مختلف اداروں کے لوگ اور سماجی کارکنان نے ان حملوں میں ہلاک ہوئے لوگوں کو خراج عقیدت پیش کیا۔

اس موقع پر لوگوں نے شدت پسندوں کی مذمت کرتے ہوئے کہا کہ شدت پسندوں کا کوئی مذہب نہیں ہوتا۔

سماجی کارکن طاہرہ حسن نے اس حملے کی مذمت کرتے ہوئے کہا کہ 'یہ ایک دردناک واقعہ تھا سبھی ملکوں کو ایک ہو کر ان شر پسند عناصر کا خاتمہ کرنا ہوگا'۔

انہوں نے مزید کہا کہ جو لوگ اس حملے کو کسی مذہب سے جوڑ کر دیکھتے ہیں، اُنہیں سمجھنا چاہیے کہ دہشت گردی کا کوئی مذہب نہیں ہوتا'۔