لکھنؤ کے گومتی تھانہ کی پولیس نے ایک علاقے کے کچھ اونچی عمارتوں میں مقیم افراد کو ایک سرکلر جاری کر کہا کہ 22 تاریخ کو وزیر اعظم نریندر مودی کا سگنیچر بلڈنگ میں ایک پروگرام منعقد ہونے والا ہے لہذا ان کی سکیورٹی نکتہ نظر کا خیال کرتے ہوئے کچھ اونچی عمارتوں کی نشان دہی کی گئی جس میں گومتی نگر سیکٹر 4 کی سرسوتی اپارٹمنٹ بھی شامل ہے۔
اس میں مقیم افراد سے کہا گیا ہے کہ وہ بالکنی پر 19 تاریخ سے 22 تاریخ تک کپڑے نہ سکھائیں اور مزید یہ کہ جو افراد اس علاقے میں رہنے کے لئے آتے ہیں تو اس کی پولیس کو اطلاع دیں۔
لکھنؤ: وزیراعظم کا دورہ، مقامی افراد کو بالکنی میں کپڑے نہ سکھانے کی ہدایت یہ بھی پڑھیں:بھارت کا بینکنگ سیکٹر مضبوط ہوا: مودی
واضح رہے کہ کہ 22 تاریخ کو وزیر اعظم نریندر مودی کا اتر پردیش کے پولیس ہیڈ کوارٹر پر ایک پروگرام ہونے والا ہے۔ جس کے تحت حفاظتی اقدامات مکمل کیے جا رہے ہیں۔ متعدد علاقوں میں سیکورٹی اہلکار تعینات کئے جائیں گے۔ گومتی نگر تھانہ علاقہ میں سڑکوں پر بیریکیٹ لگائے گئے ہیں۔ سڑکوں پر وزیراعظم نریندر مودی کے استقبالیہ بینرز بھی لگائے گئے ہیں۔
کہا جا رہا ہے کہ وزیراعظم کے حفاظتی اقدامات پوری طرح سے سخت اور درست رہیں گے۔ اسی لئے پولیس نے پہلے ہی سے تیاریاں شروع کردی ہیں۔ اور اب یہ سرکلر جاری کر پولیس نے ان تمام اپارٹمنٹز کو بھی آگاہ کیا ہے کہ وہ اپنے بالکنی میں کپڑے نہ سکھائیں۔
اس سرکولر کے منظر عام پر آنے کے بعد ٹویٹر اور سماجی رابطہ سائٹز پر ایک نئی بحث چھڑ گئی ہے۔ایک ٹویٹر یوزر نے لکھا ہے کہ وزیراعلی ہم اپنے کپڑے کہاں سکھائیں؟ اس طرح متعدد ٹویٹر یوزرز اس کا مذاق بھی بنا رہے ہیں۔
