Gadbad Jhala Market لکھنو کا مشہور بازار گڑبڑ جھالا کا نام گڑبڑ کیسے ہوا، بازار کیا فروخت ہوتا ہے؟

لکھنو کے آمین آباد بازار سے متصل گڑبڑ جھالہ بازار ہے جس کا نام ہمیشہ موضوع ہے سخن رہتا ہے۔گڑبڑ جھالہ بازار میں خواتین سے متعلق اشیاء فروخت ہوتی ہیں جس میں آرٹیفیشل زیورات اور ان کے زیب و زینت کے دیگر سامان سستے قیمت پر بکتے ہیں یہی وجہ ہے کہ لکھنؤ کے اطراف کے لوگ دلچسپی کے ساتھ گڑبڑ جھالہ کا رخ کرتے ہیں۔

لکھنو: اترپردیش کے ریاست کے لکھنو میں گڑبڑ جھالہ بازار میں تمام اشیاء درست اور صحیح فروخت ہوتی ہیں۔ لیکن اس کا نام گڑبڑ جھالہ کیوں پڑا۔ اس تعلق سے دلچسپ واقعہ ہے۔ لکھنو کے نوابی خاندان سے تعلق رکھنے والے نواب مسعود عبداللہ بتاتے ہیں کہ جب بھارت دو حصوں میں ہندوستان اور پاکستان میں تقسیم ہوگیا۔ اس وقت پاکستان میں ہندو مذہب سے تعلق رکھنے والے افراد بھارت آئے۔انہیں یہاں پر بسائے گئے تھے۔

اس مقام کو پہلے ریفیوجی(مہاجر)مارکیٹ کہا جاتا تھا لیکن رفتہ رفتہ اس کا نام بدلہ اور گڑبڑ جھالہ کہا جانے لگا۔ وہ بتاتے ہیں کہ چونکہ ابتدائی دور میں یہاں سامان انتہائی کم قیمت پر اور بے ترتیب سامان رکھے ہوئے ہوتے تھے پہلے لوگ چبوتروں پر سامان رکھ کر فروخت کرتے تھے اور اسی زمانے میں اس کا نام گڑڑ جھالا پڑ گیا۔

وہ کہتے ہیں کہ یہاں پر اچھے سے اچھے اور گڑبڑ سے گڑبڑ سامان دستیاب ہو جاتے تھے مہنگے سے مہنگے اور کم قیمت پہ بھی سامان دستیاب ہیں۔ یہی وجہ ہے کہ اس بازار کا نام گڑبڑ جھالہ رکھا گیا۔

گڑبڑ جھالہ میں دکان لگانے والے مدن لال بتاتے ہیں کہ آزادی کے بعد سے اس بازار کی ابتداء ہوئی گڑبڑ جھالا بازار میں ابتدائی طور پر سامان کم قیمت پر اور بے ترتیب رکھے ہوتے تھے۔ یہی وجہ ہے کہ لوگ اسے گڑبڑ جھالہ بازار کہنے لگے اور تبھی سے اج تک اس کا نام گڑبڑ چھالا ہے۔