ایودھیا اراضی تنازعہ: لکھنؤ ضلع انتظامیہ کے تین اہم فیصلے

ایودھیا زمینی تنازع سے متعلق فیصلہ آنے سے قبل ریاست اترپردیش کے دارالحکومت لکھنؤ میں ضلع انتظامیہ اور پولیس کے اعلی حکام سمیت، اے ڈی جی، ایس این صاحب، ڈی ایم ابھیشک پرکاش اور لکھنؤ ایس ایس پی کلانیدھی نیتھانی نے ایک اجلاس منعقد کیا ۔

جس میں انہوں نے سیکیورٹی کے نظام کو مستحکم کرنے کے لئے متعدد فیصلے کیے، ڈسٹرک مجسٹریٹ ابھیشیک پرکاش نے ایودھیا فیصلے سے متعلق 3 بڑے فیصلے کیے ہیں۔

• سنیچر کے روز تمام تعلیمی ادارے بند رہیں گے
• ماڈل شاپ اور اسلحہ کی دکانیں 9 سے 10 نومبر تک بند رہیں گی۔
• ریاست بھر میں شراب کی دکانیں دو دن تک بند رہیں گی۔
• جبکہ دارالحکومت لکھنؤ میں انٹرنیٹ خدمات بحال رہے گا۔

وہیں اتر پردیش کے وزیراعلی یوگی آدتیہ ناتھ نے ایک ٹویٹ کے ذریعے تمام لوگوں سے افواہوں کو نظر انداز کرنے کی اپیل کرتے ہوئے کہاکہ انتظامیہ عوام کی تحفظ اور ریاست میں امن و امان کے لیے پر عزم ہے ۔

اگر کوئی شخص امن و امان کے ساتھ کھیلنے کی کوشش کرتا ہے تو اس کے خلاف سخت کارروائی کی جائے گی۔

وہیں وزیر اعظم نریندرمودی نے ایودھیا اراضی فیصلے پر ٹویٹ کرتے ہوئے ملک کے عوام سے ہم آہنگی برقرار رکھنے کی اپیل کی ہے۔

واضح رہے کہ سپریم کورٹ ہفتہ کی صبح ساڑھے دس بجے ایودھیا اراضی تنازعہ پر اپنا فیصلہ دے گی فیصلے کے پیش نظر ، پوری ریاست میں سکیورٹی کا نظام مستحکم ہے جمعہ کو چیف جسٹس کے بلاوے پر یوپی کے ڈی جی پی او پی سنگھ، نے چیف جسٹس رنجن گوگوئی سے ملاقات کی تھی۔