لوک تنتر بچاؤ مورچہ تنظیم کا احتجاج

ریاست اترپردیش کے مرادآباد میں پولیس گاڑیوں اور ای رکشا کی چیکنگ کررہی ہے، پولیس نے شہر میں پرانی رکشا کو ضبط کرکے تھانے لے گئی۔

پولیس کی جانب سے ضبط کی گئی رکشا کے مالکان اور ڈرائیورز نے احتجاج کرتے ہوئے ایس ایس پی پربھاکر چودھری کو ایک میمورنڈم دے کر رکشا واپس کرنے کا مطالبہ کیا ہے۔

رکشا ڈرائیورز نے نمائندہ ای ٹی وی بھارت سے بات چیت کرتے ہوئے بتایا کہ رکشا سے ہی ہمارے دن بھر کے اخراجات پورے ہوتے ہیں، لیکن رکشا ضبط ہوگئی ہے تو ہمیں کافی مشکلات کا سامنا کرنا پڑرہا ہے۔

تمام ڈرائیورز نے ایس ایس پی سے رکشا واپس کرنے کا مطالبہ کیا ہے، وہیں ای رکشا ڈرائیورز کے ساتھ لوک تنتر بچاؤ مورچہ تنظیم نے مطالبہ کیا ہے کہ پولیس کی جانب سے ضبط کی گئی رکشا ڈرائیورز مہیا کرائی جائے۔