'ایس پی۔بی ایس پی اتحاد کا اختتام 23 مئی کو یقینی'

وزیراعظم نریندر مودی نے ایس پی۔بی ایس پی اتحاد کو ہدف تنقید بناتے ہوئے کہا کہ عوام کھوکھلی دوستی کرنے والوں کا سچ جانتی ہے اور دونوں کے دوستی ختم ہونے کی تاریخ 23 مئی طے ہو چکی ہے۔

ریاست اترپردیش کے ایٹہ میں ایک انتخابی اجلاس کو خطاب کرتے ہوئے وزیراعظم مودی نے کہا کہ کھوکھلی دوستی کرنے والوں سچ آپ اچھی طرح جانتے ہیں۔ ایک دوستی(ایس پی۔ کانگریس اتحاد) اس وقت ہوئی، جب یوپی میں اسمبلی انتخابات چل رہے تھے، لیکن الیکشن کے بعد یہ دوستی دشمنی میں تبدیل ہو گئی۔

انہوں نے کہا کہ اب ایس پی۔بی ایس پی اتحاد ہوا ہے، اس کے ختم ہونے کی تاریخ بھی طے ہے۔ یہ فرضی دوستی بھی 23 مئی کو ختم ہو جائے گی۔

وزیراعظم نے ایس پی۔بی ایس پی اتحا کو طنز کستے ہوئے کہا: 'ایس پی اور بی ایس پی کے رہنماؤں نے غریبوں کے نام سیاست کرکے صرف اپنا بینک بائلنس میں اضافہ کیا ہے۔

انہوں نے کہا کہ ان دونوں پارٹیوں کے جھنڈے اگرچہ الگ ہیں، لیکن ان کی نیت یکساں ہیں۔ان کے دور حکومت میں کسانوں اور کاروباریوں لوٹا گیا۔ مایاوتی آج ان ہی ظالموں کے لیے ووٹ مانگ رہی ہیں۔