نوئیڈا میں سماجوادی پارٹی مہانگر لوہیا واہنی کی جانب سے احتجاج میں لکھیم پور کھیری تشدد میں متاثرہ کسانوں کو خراج عقیدت پیش کیا گیا جب کہ اس دوران اتر پردیش اور مرکزی حکومت کے خلاف نعرہ بازی کی گئی۔
کسانوں پر تشدد کے خلاف احتجاج
لوہیا واہنی کے کارکنان نے یوپی حکومت اور مرکزی وزیر مملکت برائے داخلہ کو برطرف کرنے اور ملزمین کی جلد گرفتاری کا مطالبہ بھی کیا۔
مظاہرے کی قیادت کرتے ہوئے لوہیا واہنی کے مہانگر صدر عظیم علی زیدی نے کہا کہ حکومت کسانوں کی تحریک کو دبانے کے لیے وحشیانہ رویہ اختیار کررہی ہے۔