پولیس کمشنر آلوک سنگھ نے کہا کہ ضلع گوتم بدھ نگر میں لاک ڈاؤن سختی سے نافذ کیا جارہا ہے اور اس کی خلاف ورزی کرنے والوں کے خلاف سخت کاروائی کی جارہی ہے۔
خواتین پولیس عملہ کی بھی اپنے انداز میں کاروائی جاری ہے۔ خاتون پولیس اہلکار نے باہر نکلی لڑکیوں کا ڈنڈے سے استقبال کیا جبکہ کمشنر صاحب کا کہنا ہے کہ پولیس اہلکار لوگوں کے درمیان جا رہے ہیں اور سوشل فاصلے یعنی ایک دوسرے سے دور رہنے کے لئے سمجھا رہے ہیں۔
اس کے علاوہ سپلائی کے سسٹم کو مستحکم کیا جارہا ہے ، تاکہ سپلائی چین آسانی سے چلتی رہے ۔ اس کے لئے تمام محکمے مل کر کام کر رہے ہیں۔
انہوں نے کہا کہ متعلقہ محکموں کے ساتھ ساتھ محکمہ صحت کی 102 ، 108 خدمات اور محکمہ پولیس کے پی آر وی 112 کے ذریعہ ضرورت مند اور بیمار لوگوں کی مدد کی جارہی ہے۔
انہوں نے بتایا کہ ڈسٹرکٹ مجسٹریٹ کیمپ آفس سیکٹر 27 میں ایک سنٹرل اور انٹیگریٹڈ کنٹرول روم قائم کیا گیا ہے ، جو 24/7کے طرز پرکام کر رہا ہے ، جس کا نمبر 0120-2544700 ، 9870395052 ، 8800199955 ہے ، جہاں کسی بھی قسم کی اطلاعات، معلومات اور مدد حاصل کی جا سکتی ہے۔
