مظفر نگر میں قتل کا ویڈیو وائرل

معاملہ مظفر نگر کے نئی منڈی تھانہ علاقہ کے گاؤں بلاسپور کا ہے، جہاں پر دو روز قبل کھیت میں شراب پارٹی کے دوران گولی چلنے کی وجہ سے گاؤں کا ہی ایک نوجوان پرنس ہلاک ہوگیا۔

اتر پردیش کے ضلع مظفر نگر میں دو روز قبل کھیت میں ہو رہی ایک شراب پارٹی کے دوران ایک 16 سالہ نوجوان پرنس گولی مار دی گئی۔ گولی مارنے کا ویڈیو سوشل میڈیا پر وائرل ہو گیا۔

دراصل معاملہ مظفر نگر کے نئی منڈی تھانہ علاقے کے گاؤں بلاسپور کا ہے۔ عینی شاہدین کے مطابق نامعلوم وجوہات کی وجہ سے پرنس کو گولی مار دی گئی۔

مظفر نگر میں قتل کا لائیو ویڈیو وائرل

وہیں، پرنس کو زخمی حالت میںعلاج کے لیے ضلع اسپتال لایا گیا، جہاں ڈاکٹرز نے اسے مردہ قرار دے دیا۔ اس واقعہ کے بعد پورے گاؤں میں غم کی لہر دوڑ گئی۔

اس قتل کا ویڈیو آج دیر شام وائرل ہو گیا، جس میں شراب پارٹی کے دوران یہ واقعہ پیش آیا۔

وہیں، اعلی افسران نے موقع پر پہنچ کر تفتیش شروع کر دی ہے۔ اس معاملہ میں پولیس کا کہنا ہے کہ ایک ملزم کی گرفتاری کی جا چکی ہے۔ دیگر ملزمین کی گرفتاری کے لیے کوششیں جاری ہیں۔