اٹاوہ میں 42 لاکھ کی شراب ضبط، دو گرفتار

ریاست اترپردیش کے ضلع اٹاوہ کے پولیس نے دو شراب اسمگلروں کو گرفتار کر کے ان کے قبضے سے 610 پیٹی شراب برآمد کی ہے، جس کی قیمت 42 لاکھ روپئے بتائی جاری ہے۔

ایس ایس پی آکاش تومر نے بتایا کہ اوساہار پولیس نے اسپیشل پولیس فورس کے ساتھ مشترکہ طور سے چیکنگ کے دوران پالن اڈہ کے نزدیک منی ٹرک میں مرغی کے دانے میں 600 پیٹی اور کار سے 10 پیٹی شراب برآمد کی۔ موقع سے دو افراد ہمت گاؤں کے پردھان پرہلاد سنگھ یادو عرف دشرتھ عرف پپو اور جیند ہریانہ باشندہ اجے سروج کو گرفتار کیا ہے۔

انہوں نے بتایا کہ یہ شراب ہریانہ سے خرید کر اترپردیش کے مختلف مقامات پر فروخت کرنے کے لیے لے جا رہے تھے۔

ملزموں نے بتایا کہ شراب اسمگلنگ کے دوران وہ لوگ پولیس سے بچنے کے لیے ٹرک کو باہر والے حصے میں مرغی کے دانے کے بورے کو لاد کر لے جاتے ہیں، جس سے پولیس کو چیکنگ کے دوران گمراہ کیا جاسکے۔

انہوں نے بتایا کہ گرفتار پردھان کے خلاف شراب اسمگلنگ وغیرہ کے دس معاملے اٹاوہ اور آس پاس کے تھانے میں درج ہیں۔ پکڑے گئے ملزموں کو جیل بھیج دیا گیا ہے۔