گریٹر نوئیڈا کی ہوٹلوں میں کھلے عام شراب کا کاروبار

ریاست اتر پردیش کے ضلع گوتم بدھ نگر کے نوئیڈا اور گریٹر نوئیڈا میں پولیس اور آب کاری محکمہ ڈی ایم اور ایس ایس پی کے احکامات پر ناجائز شراب اور کھلے عام شراب نوشی کے خلاف مہم چلائی جارہی ہے۔

گریٹر نوئیڈا کے بسرکھ تھانہ کے مطابق ہوٹلوں پر رات کو کھلے عام شراب نوشی کی جاری ہے۔ کھانے کے دوران بھی شراب نوشی کی جاتی ہے۔

لوگوں کا الزام ہے کہ اس کاروبار میں پولیس بھی شامل ہے۔ ایک طرف سینئر افسران نے شراب نوشی اور ناجائز شراب فروخت کرنے کے خلاف قانونی کارروائی جاری کر رکھی ہے تو وہیں ان کے ماتحت سر عام ان کی ہدایات کو نظر انداز کرتے ہوئے من مانے طریقے سے کام کرنے میں مشغول ہیں۔

لوگوں کا یہ بھی کہنا ہے کہ اگر پولیس کی مرضی نہ ہو تو یہ نا ممکن ہے۔ بہر حال یہ سینئر حکام اور افسران کے لئے لمحہ فکر ہے کہ وہ کس طرح ان پر قابو پاتے ہیں۔