پرتاپ گڑھ:اترپردیش میں پرتاپ گڑھ ضلع کے ایڈیشنل سیشن جج (پاکسو ایکٹ ) پنکج کمار شری واستوا کی عدالت نے پولیس کے فرد جرم داخل کرنے کے بعد اجتماعی جنسی زیادتی کے مقدمہ کی ساڑھے تین ماہ میں سماعت کرتے ہوئے چار ملزمان کو عمرقید (تاحیات ) و جرمانہ کی سزا سنائی ہے۔ ایک شخص نے تھانہ دیلہو پور میں تحریر دے کر الزام عائد کیا کہ اس کی نابالغ بیٹی 23/ستمبر 2022 کی دوپہر دوا کے لئے راماپور بازار گئی تھی واپس نہیں آئی تو وہ تھانہ دیلہوپور حلقے کے پریاگ راج اجودھیا ہائیوے واقع گنجہڑہ جنگل کے نزدیک بے ہوشی کی حالت میں پائی گئی۔
علاج کے لئے میڈیکل کالج لایا گیا وہیں ہوش آنے پر پولیس کو دیئے گئے بیان میں کہا کہ وہ اپنے گھر سے دوا لانے جارہی تھی کہ وشواناتھ گنج بازار کے نزدیک راستہ میں شیوم سروج اور اس کے تین ساتھیوں رفیق، توفیق عرف تفشیر و منّو نے اس کی سائکل روک لی۔ متاثرہ نے بتایا کہ 'انہوں نے اغوا کر گنجہڑہ جنگل لے گئے اور اس کے ساتھ اجتماعی جنسی زیادتی کی اور کہا کہ کسی سے ذکر کیا تو ویڈیو وائرل کر دیں گے۔ اس کی پائل و چار سو روپے بھی لوٹ لیا۔