سیتا پور: گیس رساؤ سے سات لوگوں کی موت

ریاست اترپردیش کے ضلع سیتاپور کے بسواں میں ایک دل دہلا دینے والا واقعہ پیش آیا ہے جہاں ایک دری فیکٹری میں گیس کا رساؤ ہونے سے سات لوگوں کی موت ہو گئی ہے۔

اس دردناک واقعے کی خبر پھیلتے ہی علاقے میں ماتم سا چھا گیا ہے۔

غورطلب ہے کہ کوتوالی بسواں علاقے کے جلال پور میں واقع دری فیکٹری میں جمعرات کو جب کام کرنے والے مزدور پہنچے تو دیکھا کہ گیس رساؤ ہو رہا تھا۔

اطلاع ملتے ہی جب تک پولیس پہنچتی تب تک سات لوگوں کی موت ہو چکی تھی جس میں تین مرد، ایک خاتون، تین بچوں کے علاوہ چار جنگلی کتے بھی شامل ہیں۔