Lawyers Protest Continue مظفر نگر میں ہاپوڑ معاملے کو لیکر وکلاء کا احتجاج جاری

ہاپوڑ میں پولیس اہلکاروں کی جانب سے وکلاء کے اوپر کیے گئے لاٹھی چارج کے خلاف بار کونسل آف اترپردیش کی پکار پر مظفر نگر ضلع کی سول بار ایسوسی ایشن اور ڈسٹرکٹ بار ایسوسی ایشن کی قیادت میں وکلاء نے احتجاج کیا۔

مظفر نگر:ریاست اتر پردیش کے ضلع مظفر نگر میں ہاپوڈ میں 29 اگست کو ہوئے وکلا کے اوپر پولیس کے لاٹھی چارج کے خلاف بار کونسل اف اتر پردیش اور کیندیریے سنگھرش سمیتی ہائی کورٹ بینچ کی جانب سے احتجاج کا سلسلہ جاری ہے ۔

قصو روار پولیس اہلکاروں کے خلاف اب تک کوئی کارروائی نہیں کئے جانے پر وکلا میں بے چینی پائی جا رہی ہے۔دھرنے پر بیٹھے مظفر نگر کے وکلا نے زبردست احتجاجی مظاہرہ کر پولیس کے خلاف شدید نعرے بازی کی۔

وکلا کا کہنا ہے کہ ہمارے مطالبات کو تسلیم نہیں کئے جا رہے ہیں۔ ہمیں مطالبات کو پوری طرح سے نظر انداز کیا جا رہا ہے۔ہم جائز مطالبات کر رہے ہیں۔جن لوگوں نے غلطئی کی ہے ان کے خلاف کارروائی چاہتے ہیں۔

انہوں نے کہاکہ دوسروں کو انصاف دینے والے وکلا آج انصاف کے لیے سڑکوں پر بھٹک رہے ہیں۔ہماری آواز دبانے کے لئے ہمارے اوپر ہی مقدمے کیے ہے رہے ہیں۔ ان کا کہنا ہے کہ اس لاٹھی چارج میں ملوس ملزمان کے خلاف جب تک کوئی ٹھوس کاروائی نہیں کی جاتی تب تک ہم ایسے ہی زبردست احتجاجی مظاہرہ کرتے رہیں گے۔وکلا نے مزید کہاکہ ہمارا احتجاج اس وقت تک جاری رہے گا جب لاٹھی چارج کرنے والے قصوروار پولیس اہلکاروں کو سزا نہیں مل جاتی ۔