پرتاپ گڑھ:گاؤں عدالت کھولے جانے کے خلاف وکیلوں کا احتجاج

اترپردیش کے ضلع پرتاپ گڑھ میں پٹی تحصیل کے احاطے میں ’گاؤں عدالت‘ کھولے جانے کے خلاف جونئر بار ایسوسی ایشن کے اراکین نے سنیچر کو کچہری احاطے میں احتجاج کیا۔

دھرنے پر بیٹھے احتجاجی وکلاء نے کہا کہ وہ پرتاپ گڑھ دفتر پر واقع کچہری کو تقسیم نہیں ہونے دیں گے۔پٹی اسمبلی حلقے سے تقریبا دو سو گاؤں نکال کر صدر اسمبلی حلقے میں شامل کئے گئے ہیں۔

ان گاؤں سے پرتا پ گڑھ کچہری کی دوری تین سے 15 کلو میٹر ہے اور پٹی تحصیل کی دوری 20 سے 40 کلومیٹر ہے۔ پٹی تحصیل میں ’گاؤں عدالت‘ بنا دینے سے ان گاؤں کے قانونی چارہ جوئی کرنے والوں کو پریشانی ہوگی۔

پٹی میں ’گاؤں عدالت کھولے جانے کی مخالفت میں وکیلوں نے گذشتہ 13 دنوں سے غیر معینہ ہڑتال پر چل رہے اور کام کے بائیکاٹ کر کے احتجاج کررہے ہیں۔