مہوبہ میں کانگریس کارکنان پر لاٹھی چارج

لاٹھی چارج کے علاوہ کچھ افراد کو گرفتار کر کے پولیس لائن کے مقامی تھانے میں لایا گیا ہے۔

اترپردیش کے ضلع مہوبہ کے کبرئی علاقے میں کانگریس کارکنوں کے ذریعہ 'گائے بچاؤ، کسان بچاؤ' یاترا میں شامل لوگوں کو منتشر کرنے کے لئے پولیس نے امتناعی حکم کی خلاف ورزی کرنے پر لاٹھی چارج کیا۔

کانگریس کے ضلع صدر تلسی داس لودھی نے کہا کہ پولیس کے لاٹھی چارج میں سابق مرکزی وزیر پردیپ جین سمیت ایک سو سے زیادہ افراد زخمی ہوئے ہیں۔ انہوں نے الزام لگایا کہ پولیس نے کارکنوں کو گرفتار کر کے زبردستی گاڑیوں میں سوار کر کے لے گئے۔

ڈپٹی سپرنٹنڈنٹ آف پولیس کالو سنگھ نے کہا کہ کانگریس نے یاترا نکالنے کی اجازت نہیں لی تھی۔ انہیں جب روکا گیا تو پولیس سے الجھتے ہوئے دھکا مکی شروع کردی۔ کچھ افراد کو گرفتار کر کے پولیس لائن کے مقامی تھانے میں لایا گیا ہے۔