جوہر یونیورسٹی کے لیے مقبوضہ زمینیں کسانوں کو واپس دی گئیں

اترپردیش کے ضلع رامپور میں قائم محمد علی جوہر یونیورسٹی کے لیے مقبوضہ زمینیں ایس ڈی ایم اور تحصیل صدر پریم پرکاش تیواری کی موجودگی میں کسانوں کی واپس دی گئیں۔

ریاست اترپردیش کے ضلع رامپور میں قائم محمد علی جوہر یونیورسٹی کا وجود خطرے میں ہے۔ دراصل سماجوادی پارٹی کے سینئر رہنما اور رکن پارلیمان اعظم خاں کو ایک اور بڑا جھٹکا دیتے پوئے ایس ڈی ایم اور تحصیل صدر نے اعظم خاں کے ڈریم پروجیکٹ محمد علی جوہر یونیورسٹی کی تقریباً 20 بیگھہ اراضی کو اپنے قبضے میں لے کر کسانوں کو واپس کرنا شروع کر دیا ہے۔

یونیورسٹی کے بانی اعظم خاں پر الزام ہے کہ انہوں نے تقریباً 26 کسانوں کی 20 بیگھہ زمین غلط طریقوں سے خرید کر اپنی یونیورسٹی میں شامل کر لی تھی۔

جس کی وجہ سے 26 کسانوں نے الگ الگ تھانوں میں مقدمے درج کرائے تھے۔ وہیں اس معاملے میں ضلع انتظامیہ کی جانب سے بھی ایک مقدمہ درج کرایا گیا تھا۔ ایس ڈی ایم اور تحصیل صدر پریم پرکاش تیواری نے بڑی پولیس فورس کے ساتھ یونیورسٹی کیمپس میں داخل ہو کر زمین کی پیمائش کرکے اب تک 12 کسانوں کو زمینوں ان کے حوالے کر دی ہیں۔

ان کا کہنا تھا کہ باقی کے تمام کسانوں کو بھی ان کی زمینیں واپس لوٹائی جائیں گی۔