ریاست اترپردیش کے وزیر اعلی یوگی آدتیہ ناتھ نے مزدوروں کے تحمل کی تعریف کرتے ہوئے ان کی ہر ممکن تعاون کی یقین دہانی کرائی۔ وہیں اپوزیشن نے مزدورں اور محنت کشوں کے تئیں ہمدردی کا اظہار کرتے ہوئے ان کے مفادات کے تحفظ کی پیروی کی۔
ریاست اترپردیش کے وزیر اعلی یوگی آدتیہ ناتھ اس موقع پر سرکاری ملازمین اور پنشن یافتہ افراد کے بھتوں میں تخفیف کے خلاف متعدد تنظموں نے اپنا احتجاج بھی درج کرایا۔مسٹر یوگی نے ٹوئٹ میں لکھا کہ’ میرے مہاجر مزدور بہنوں بھائیوں سنسار کی سبھی آفات آپ کے تحمل کے سامنے سر نگوں ہیں۔ آج دوبارہ کورونا وائرس کی ہار آپ کے تحمل پر منحصر ہے۔ آپ سبھی سے اپیل ہے کہ قطعی مایوس اور پریشان نہ ہوں۔ جہاں ہیں وہیں رہیں۔ جلد ہی آپ تمام کی محفوظ واپسی یقینی بنائی جائے گی۔انہوں نے ایک دیگر ٹوئٹ میں لکھا کہ ‘دنیا کی پوری شان وشوکت مزدوروں اور محنت کشوں کے ناقابل برداشت محنت کا نتیجہ ہے۔ یوم مزدور ہمارے مزدور سماج کے احترام کا دن ہے۔ آئیں اس موقع پر ہم سب اپنے مزدورں کے مفاد کےتحفظ کا عزم کریں’۔
ایس پی سربراہ اکھلیش یادو ایس پی سربراہ اکھلیش یادو نے اپنے ٹوئٹ میں لکھا کہ’ اس برس کورونا وائرس میں ایک الگ طرح کا 'یوم مزدور' ہے۔ ملک کے کئی ریاستوں میں مزدور گھروں سے دور بنا کام اور پیسے کے پریشان ہیں۔ اس وجہ سے اس برس اس دن کسی مبارک بادی دینے کا موقع تو نہیں ہے لیکن مزدور اپنوں کے پاس گھر بحفاظت گھر پہنچ پائیں یہ آرزو تو ہم کر ہی سکتے ہیں’۔
