گونڈا: کوٹیدار کی کالابازاری کا انکشاف

اترپردیش کے ضلع گونڈا تحصیل منکا پور کے گاؤں اپادھیا پور گرنٹ میں مقامی سطح کے فوڈ عہدیداروں کی ملی بھگت سے کالابازاری رکنے کا نام نہیں لے رہی ہے۔ کوٹیدار کی کالابازاری پکڑی گئی۔

ریاست اترپردیش کے ضلع گونڈا تحصیل منکا پور کے گاؤں اپادھیا پور گرنٹ میں کوٹیدار کی کالا بازاری پکری گئی اور پولیس نے اس کے خلاف ایف آئی آر درج کرکے تحقیقات شروع کر دی ہے۔
بتا دیں کہ گاؤں کا کوٹیدار اور اس کا بیٹا کالا بازاری کے مقصد سے سرکاری راشن اٹھا کر کڈاسن بازار کی طرف جا رہے تھے۔ گاؤں کے کچھ لوگوں کو جب پتہ چلا کہ یہ راشن کالابازاری کے لیے لے جایا جا رہا ہے تو ان سب نے گاؤں مچھلی پور روڈ پر دوڑ کر اس پک اپ کو پکڑا اور پولیس کے حوالے کر دیا۔ موقع پر پہنچ کر ضلع مجسٹریٹ کی اجازت سے ایف آئی آر درج کرائی گئی۔

کوٹیدار کا بیٹا پھنستے دیکھ پولیس کو کہنے لگا کہ یہ راشن اسکول کے لیے لے جایا جا رہا ہے۔ اور یہ راشن اسکول کا ہے۔ بات میں سچائی نہ ہونے کی وجہ سے اسے گرفتار کر لیا گیا ہے۔