کوشامبی: مٹی کے ملبے کے نیچے دب کر دو بچیوں کی موت

اترپردیش کے ضلع کوشامبی کے سینی علاقے میں جمعرات کو مٹی کا ٹیلہ منہدم ہونے سے اس کے نیچے دب کر دو بچیوں کی موت ہوگئی جبکہ دیگر تین زخمی ہوگئے۔

پولیس ذرائع نے بتایا کہ نگر پنچایت اہوجا کے مڑیا مئی گاؤں باشندہ باجی لال لودی کی 17 سالہ بیٹی سونم اور بیچ کا پورا گاؤں باشندہ رام پرتاپ وشوکرما کی 15 سالہ بیٹی انجلی اپنی دیگر تین سہیلیوں کے ساتھ گاؤں کے باہر واقع تالاب سے پٹائی کے لئے مٹی کی کھدائی کر رہی تھیں۔

اس درمیان اچانک مٹی کا ٹیلہ نما حصہ منہدم ہوگیا اور پانچوں لڑکیاں اس ملبے کے نیچے دب گئیں۔

انہوں نے بتایا کہ چینخ و پکار سن کر مقامی افراد نے وہاں پہنچ کر ان کو ملبے سے باہر نکالا لیکن تب تک سونم اور انجلی نے دم توڑ دیا تھا دیگر تین زخمیوں کو علاج کے لئے اسپتال میں داخل کرایا گیا ہے۔ تو وہیں پولیس نے لاشیں پوسٹ مارٹم کے لئے بھیج دی ہیں۔