Badaun Sketch Artist Noor Jahan بیک وقت 15 تصویریں بنانے والی اسکیچ آرٹسٹ نور جہاں سے خصوصی گفتگو

بدایوں کی طالبہ نور جہاں ایک وقت میں ایک ہاتھ سے ایک ہی کینواس پر 15 مختلف شخصیات کی تصاویر بنا کر سُرخیوں میں آئی ہیں۔ ان کی مہارت کا ویڈیو سوشل میڈیا پر وائرل ہوا تو کئی سوالات اٹھے۔ کچھ لوگوں نے ویڈیو کو فرضی بتایا۔ اس کی حقیقت جاننے کے لیے ای ٹی وی بھارت کی ٹیم طالبہ کے گھر پہنچی۔ Badaun Artist Noor Jahan

بدایوں: کہا جاتا ہے کہ ہنر امیری یا غربت یا کسی عمر کا محتاج نہیں ہوتا۔ یہ کہاوت بدایوں ضلع کی رہنے والی 15 سالہ نور جہاں پر صادق آتی ہے۔ نور جہاں گزشتہ دنوں اچانک سرخیوں میں آگئیں جب ہاتھوں کی مہارت کا ذکر ملک کے مشہور صنعت کار آنند مہندرا نے ایک ٹویٹ کے ذریعے کیا تھا۔ ہنر بھی ایسا ہے جسے دیکھ کر سب حیران رہ گئے۔ اتر پردیش کے بدایوں کی ایک لڑکی نے بیک وقت 15 عظیم شخصیات کی تصویریں بنا کر سبھی کو حیران کر دیا ہے۔ نگلہ گاؤں کی رہنے والی نور جہاں نے ایک وقت میں 15 عظیم شخصیات کی تصاویر بنا کر گنیز ورلڈ ریکارڈ میں نام درج کرایا ہے۔ وہیں مشہور صنعت کار مہندرا گروپ کے چیئرمین آنند مہندرا بھی نور جہاں کی قابلیت کی تعریف کر رہے ہیں۔ Anand Mahindra Tweet on Badaun Girl

صنعتکار آنند مہندرا کے ٹویٹ میں شیئر کیے گئے ویڈیو میں نور جہاں 15 مختلف شخصیات کی تصویر ایک ساتھ ایک ہی کینوس پر بنا رہی ہیں۔ آنند مہندرا نے ٹویٹ کرکے نور جہاں کے فن کو سراہا اور لکھا کہ 'اگر واقعی ان میں یہ ہنر ہے تو اسکالرشپ دے کر اس کے ہُنر کو آگے بڑھائیں گے۔ Anand Mahindra Praised Noor Jahan

واضح رہے کہ 15 سالہ نورجہاں کی اس قابلیت پر بھی سوالات اٹھنے لگے۔ کئی ٹویٹر صارفین نے اس ویڈیو کو جعلی قرار دیا۔ بریلی ضلع کی سرحد پر واقع سالار پور بلاک کے علاقے میں وجے نگلا گاؤں کی رہنے والی نور جہاں نویں جماعت کی طالبہ ہیں۔ وہ جی جی آئی سی انٹر کالج بدایون میں زیر تعلیم ہیں۔ نور جہاں کے پاس ایک وقت میں ایک ہاتھ سے ایک ہی کینواس پر 15 مختلف تصویریں بنانے کا ہنر ہے۔ نور جہاں کے اس فن کی ویڈیو صنعتکار آنند مہندرا نے ٹویٹ کیا ہے۔ طالبہ کی مہارت کی ویڈیو سوشل میڈیا پر وائرل ہوئی تو کئی سوالات بھی اٹھ گئے۔ کچھ لوگوں نے ویڈیو کو فرضی بتایا، اس کی حقیقت جاننے کے لیے ای ٹی وی بھارت کی ٹیم طالبہ کے گھر پہنچی۔

مفلسی کے سائے میں نور جہاں کی پرورش ہوئی: نور جہاں 8 بہن بھائیوں میں پانچویں نمبر پر ہیں، اس کے والد محمود گاؤں میں ہی سلائی کی ایک چھوٹی سی دکان چلاتے ہیں۔ نور جہاں کی 6 بہنیں اور 2 بھائی ہیں۔ بڑا خاندان اور کم آمدنی کی ذمہ داری کی وجہ سے ان کا خاندان مفلسی میں دن گزار رہا ہے۔ نور جہاں اپنے خاندان کے ساتھ رہ کر تعلیم حاصل کر رہی ہیں۔ اس نے کئی عظیم شخصیات کی تصویر بنائی ہے جس کی وجہ سے وہ سُرخیوں میں آئی ہیں۔ طالبہ کے اس ہنر کو اس کے گھر والوں کی طرف سے بھرپور تعاون مل رہا ہے۔ نور جہاں کی والدہ فرزانہ نے ای ٹی وی بھارت کو بتایا کہ ان کی بیٹی دن بھر مختلف پینٹنگز بناتی رہتی ہے۔ وہ یہ کام تقریباً 2 سال سے کر رہی ہیں، مصوری کے شوق کی وجہ سے نور جہاں کھانا پینا بھول جاتی ہیں۔

طالبہ نور جہاں کو ابتدائی تعلیم دینے والے استاد اجے سکسینہ کا کہنا ہے کہ جب اس نے پہلی جماعت میں داخلہ لیا۔ تب سے لڑکی میں ٹیلنٹ نظر آنے لگا۔ نور جہاں ابتدائی دنوں سے ہی اکثر ڈرائنگ کیا کرتی تھی۔ ٹیچر اجے سکسینہ نے بتایا کہ نور جہاں نے کئی ٹیچرز کے ٹھیک ٹھاک اسکیچ بنائے ہیں۔

اسکریچ آرٹسٹ نور جہاں نے ای ٹی وی بھارت سے بات کی۔ نور جہاں نے بتایا کہ ان کے فن کو استاد نے پروان چڑھایا ہے۔ طالبہ کے فن کو دیکھ کر انہوں نے بہت سی ویڈیوز بنائیں اور بہت تعاون کیا۔ ساتھ ہی نور جہاں نے اپنے فن کو نکھارنے کا کریڈٹ اپنے والدین اور بہن بھائیوں کو دیا ہے۔ نور جہاں نے بتایا کہ انہوں نے 2 سال قبل اپنے فن کو مزید بہتر کیا۔