زراعت بل 2020 کے خلاف کسانوں کا احتجاج بدستور جاری

بھارتی کسان یونین کی میرٹھ یونٹ نے زراعت بل 2020 کے خلاف جم کر احتجاج کیا، ضلع بھر کے کسانوں نے دہلی-دہرادون ہائی وے جام کرکے اپنی ناراضگی کا اظہار کیا۔

ریاست اتر پردیش کے ضلع میرٹھ میں جمعہ کے روز کسانوں نے زراعت بل 2020 کے خلاف دہلی-دہرادون ہائی وے جام کرکے حکومت کے خلاف اپنی ناراضگی کا اظہار کیا۔

کسانوں کا کہنا ہے کہ حکومت ہند اس متنازعہ قانون کے تحت ان کی زمین پر قبضہ کرنا چاہتی ہے اور حکومت کے اس منصوبے کو کسان کبھی کامیاب نہیں ہونے دیں گے۔

کسانوں کا یہ بھی کہنا ہے کہ جب تک حکومت اس قانون میں کوئی ترمیم نہیں کرتی تب تک زراعت بل 2020 کے خلاف بدستور احتجاج جاری رہے گا۔