بجنور میں نوجوان کا قتل

ضلع بجنور میں پیسے کے لین دین کو لےکر ایک نوجوان کا قتل کر دیا گیا۔

ریاست اتر پردیش کے ضلع بجنور کے گنج دارانگر علاقے میں پڑوس کے ہی تین نوجوانوں نے دیپک نامی نوجوان کا قتل کر دیا۔ بتایا جا رہا کہ یہ قتل پیسے کے لین دین کو لے کر ہوا ہے۔

مقتول کے اہل خانہ نے گھنٹوں سڑک پر لاش کو رکھ کر ہنگامہ شروع کر دیا، گھنٹوں لگے جام کے بعد موقع پر پہنچی پولیس نے لاش کو قبضے میں لے کر پوسٹ مارٹم کے لیے بھیج دیا۔ حالانکہ پولیس کے افسران نے اہم ملزم کو گرفتار کرلیا ہے جبکہ باقی قاتلوں کی پولیس تلاش کررہی ہے۔

بتایا جا رہا ہے کہ یہ قتل صرف تین سو روپے کے لین دین کو لے کر ہوا ہے۔ پولیس اس پورے معاملے کی تفتیش کر رہی ہے۔