سنہ2007 میں جب بہوجن سماج پارٹی کی سپریمو مایاوتی جب ریاست کی وزیراعلی منتخب کی گئی تو انہوں نے پوری ریاست میں غریبوں اور بے گھر افراد کی رہائش کے لئے کاشی رام کالونیوں کی تعمیر کرائی تھی۔
رامپور میں بھی شہری آبادی سے دو کلومیٹر کی دوری پر واقع پہاڑی گیٹ پر کاشی رام کالونی بناکر رامپور کے سیکڑوں بے گھر افراد کو گھر مختص کیے گئے تھے۔
لیکن وقت گزرنے کے ساتھ ہی غیر سماجی عناصر اور جواری شرابی لوگوں نے اس کالونی کو اپنا اڈہ بنالیا۔ اس کے بعد ان لوگوں نے خواتین اور امن پسند لوگوں کو اپنا نشانہ بنانا شروع کر دیا۔
اس تعلق سے ایک متاثرہ خاتون نے ای ٹی وی بھارت سے اپنی تکلیف بتاتے ہوئے کہا وہ کاشی رام کالونی میں تقریباً 10 سال سے رہائش پذیر ہیں اور وہ شوہر اور بچے نہیں ہونے کی وجہ سے تنہا رہتی ہے اور وہاں رہنے والے شرارتی عناصر اس کو کافی تنگ کرتے رہتے ہیں ساتھ ہی کئی بار اس کی نقدی وغیرہ بھی لوٹ کر لے گئے ہیں۔
متاثرہ خاتون کا مزید کہنا ہے کہ اس نے کئی مرتبہ نزدیکی پولیس اسٹیشن میں شکایت کی لیکن پولیس نے اس کی کبھی کوئی مدد نہیں کی۔ پولیس پر الزام لگاتے ہوئے خاتون نے کہا کہ پولیس ان شرارتی عناصر سے ملی ہوئی ہے۔
مقامی لوگوں کا کہنا ہے حکومت ان کے لیے یہاں ایک پولیس چوکی قائم کردے تاکہ پولیس کی موجودگی میں شرارتی عناصر شرارت کرنے سے ڈریں۔