اسمبلی انتخابات میں 300 سیٹوں پر جیت درج کرے گی بی جے پی

اترپردیش کے نائب وزیر اعلی کیشو پرساد موریہ نے کہا کہ 2022 کے اسمبلی انتخابات میں بی جے پی 300 سے زیادہ سیٹیوں پر جیت کر پرچم لہرائے گی۔

ورنداون میں میڈیا نمائندوں سے بات چیت کے دوران ایک سوال کے جواب میں موریہ نے کہا کہ 'ان کی پارٹی سال 2022 کے اسمبلی انتخابات میں 300 سے زیادہ سیٹیں جیتے گی۔اور جب ان سے پوچھا گیا کہ اگلے سال ہونے والے انتخابات کا چہرہ کون ہوگا تو ان کا کہنا تھا 'بانکے بہاری'دراصل وہ ونداون میں بانکے بہار مندر پوجا پاٹ کر کے نکلے تھے۔

انہوں نے کہا کہ آر ایل ڈی اور ایس پی کے اتحاد کا بی جے پی پر کوئی فرق نہیں پڑے گا اور بی جے پی 300 سے زیادہ سیٹیوں پر کامیابی درج کرے گی۔انہوں نے کہا کہ بی ایس پی کا سمیلن ناکام ہورہا ہے۔

یو این آئی