جے ڈی یو کا یوپی کی 200 سیٹوں پر امیدوار اتارنے کا اعلان

جے ڈی یو کے جنرل سیکرٹری اور قومی ترجمان کے سی تیاگی کا کہنا ہے کہ اگلے سال ہونے والے یوپی اسمبلی انتخابات میں جے ڈی یو حصّہ لے گی۔ میرٹھ کے مدرسہ امداد الاسلام کے مہتمم مولانا شاہین جمالی چترویدی کے انتقال کے بعد تعزیت کے لیے آج میرٹھ پہنچے سی تیاگی نے میڈیا سے بات کی۔

میرٹھ میں آج مولانا شاہین جمالی چترویدی کے انتقال کے بعد ان کی تعزیت کے لیے کے سی تیاگی میرٹھ پہنچے۔

کے سی تیاگی کے مطابق این ڈی اے کا حصّہ ہونے کی وجہ سے یو پی میں بھی پارٹی بی جے پی کے ساتھ مل کر میدان میں اترنے کی کوشش کرے گی، ورنہ پارٹی اکیلے ہی تقریباً 200 سیٹوں پر اپنے امیدوار اُتارے گی۔ وہیں، گذشتہ دِنوں یو پی میں تیزی سے سامنے آ رہے تبدیلئ مذہب کے معاملوں کے حوالے سے بھی کے سی تیاگی نے اپنے خیالات کا اظہار کیا۔

اتر پردیش میں آئندہ اسمبلی انتخابات میں حصّہ لینے کے جے ڈی یو کے اعلان سے ایک بات تو صاف ہے کہ آنے والے انتخابات میں مقامی سیاسی جماعتوں میں بے چینی ضرور پیدا ہوگی۔