Guru Nanak Jayanti: میرٹھ میں تقریب کا اہتمام

ضلع میرٹھ کے گردوارہ تھاپر نگر میں 'کرتویہ' تقریب کا اہتمام کیا گیا جس میں مختلف مذاہب کے افراد نے شرکت کی۔

اترپردیش میں ضلع میرٹھ کے تھاپر نگر گردوارہ میں گرونانک جینتی (Guru Nanak Jayanti) کے موقع پر 'کرتویہ' تقریب کا اہتمام کیا گیا۔

سِکھ مذہب کے پہلے گرو، گرو نانک دیو کا 552واں پرکاش پرو 19 نومبر کو منایا گیا۔ اسی سلسلے میں ضلع میرٹھ کے گردوارہ تھاپر نگر میں بھی 'کرتویہ' کے عنوان سے ایک پروگرام منعقد کیا گیا جس میں مختلف مذاہب کے رہنماؤں نے شرکت کی جبکہ اس موقع پر اسکول کی طالبات نے کیرتن کیا۔ وہیں تقریب کے دوران گرونانک کی تعلیمات پر روشنی ڈالی گئی۔

ہر برس گرونانک جینتی کے موقع پر منعقد ہونے والے اس پروگرام میں سبھی مذاہب کے رہنماؤں کو مدعو کیا گیا۔ پروگرام کا مقصد بیان کرتے ہوئے گردوارہ سنگھ سبھا کے منیجر کا کہنا تھا کہ 'گرونانک کی تعلیمات کی آج کے ماحول میں سخت ضرورت ہے‘۔

پروگرام میں شرکت کے لیے پہنچے نائب شہر قاضی کا کہنا تھا ’گرونانک نے کسی بھی مذہب میں کوئی فرق نہیں کیا وہ سب کو برابر سمجھتے تھے۔' اس موقع پر لنگر کا اہتمام بھی کیا گیا تھا۔