وارانسی: کرنی سینا نے راکھی ساونت کے خلاف شکایت درج کرائی

ریاست اترپردیش کے ضلع وارانسی کے لنکا پولیس اسٹیشن میں کرنی سینا کے ریاستی جنرل سکریٹری ویویک سنگھ راٹھور نے ریاست کے وزیر اعلی یوگی آدتیہ ناتھ کے خلاف غیر مہذب تبصرہ کرنے کے معاملے میں اداکارہ راکھی ساونت کے خلاف تحریری شکایت درج کرائی ہے اور جلد سے جلد کارروائی کا بھی مطالبہ کیا ہے۔

کرنسی سینا کے ریاستی جنرل سکریٹری ویویک سنگھ راٹھور نے بتایا کہ راکھی ساونت کے ذریعے وزیر اعلی کے عہدے پر بیٹھے شخص پر غیر مہذب تبصرہ کرنے کے معاملے میں اداکارہ کے خلاف تعزیرات ہند کا جائزہ لیتے ہوئے مناسب شقوں کے تحت مقدمہ درج کرنے کے لیے لنکا پولیس اسٹیشن میں شکایت درج کرائی ہے۔

انہوں نے کہا ہے کہ اس معاملے کو لے کر کرنی سینا اور سماج میں ناراضگی پائی جا رہی ہے اور اس وجہ سے اداکارہ کے خلاف جلد سے جلد اور سخت سے سخت کارروائی ہونی چاہئے۔