کانپور:کابینی وزیر ستیش مہانا کا مایاوتی پر طنز

اترپردیش کے شہر کانپور میں ستیش مہانا ایک پروگرام میں پہنچے۔ یہاں انہوں نے مایاوتی پر طنز کرتے ہوئے انہیں سیاست کا کلوز چیپٹر قرار دیا۔

اترپردیش حکومت کے کابینی وزیر ستیش مہانا کانپور کے جھارکٹی انٹر اسٹیٹ بس اسٹینڈ میں ایک پروگرام میں پہنچے۔ یہاں میڈیا سے گفتگو کرتے ہوئے کابینہ وزیر ستیش مہنا نے مایاوتی کو سیاست کا کلوز چیپٹر قرار دیا۔

سی اے اے کے تعلق سے اترپردیش حکومت کابینہ کے وزیر ستیش مہانا نے کہا کہ جو لوگ ملک میں عدم استحکام پھیلانا چاہتے ہیں وہی کر رہے ہیں۔

انہوں نے کہا کہ پاکستان اور بنگلہ دیش میں بسنے والے ہندوؤں کو شہریت دینے کے لئے ایک قانون بنایا گیا ہے، جن پر تشدد کیا جارہا ہے۔ جن کے پاس کوئی مسئلہ نہیں اور نہ ہی کوئی بنیاد ہے، جن لوگوں کو عوام نے انکار کیا ہے، وہ صرف سی اے اے کے بارے میں الجھن پھیلا رہے ہیں۔