کانپور: گمراہ فرقوں کی ریشہ دوانیوں کے سدِّباب کے پیش نظر خصوصی تقریب کا انعقاد

اترپردیش کے شہر کانپور میں تحفظ ختم نبوت تنظیم کی جانب سے یک روزہ تربیتی کیمپ کا انعقاد کیا گیا۔ اس خصوصی تقریب میں شہر کے علماء کرام اور جمعیت علماء ہند کانپور سے وابستہ سرکردہ شخصیات نے شرکت کی۔

جمعیت العلماء شہر کانپور اور مجلس تحفظ ختم نبوت کانپور کی جانب سے علمائے کرام کا یک روزہ تربیتی کیمپ جمعیت کے علاقاءی صدر دفتر ‘‘جمعیت بلڈنگ‘‘ کانپور میں منعقد کیا گیا۔ کانپور میں پچھلے کافی دنوں سے دیکھا یہ جارہا ہے کہ شہر میں دین کے نام پر مختلف گمراہ فرقے (فرقہ زالہ ) کے جانب سے شریعت میں نئی نئی چیزوں کو جوڑ کرکے عام مسلمانوں کو مذہب اسلام کی صحیح تعلیمات سے گمراہ کرنے کی کوشش کی جارہی ہے۔

ان گمراہ فرقوں کی اس کوشش کے سدِّباب کے لئے علماء کرام کی جانب سے بیداری کیمپ کا انعقاد کیا جارہا ہے۔ گمراہ فرقوں کی کوششوں اور ان کی ریشہ دوانیوں سے مسلمانوں کو بچانے کے لیے جمعیت علماء شہر کانپور اور مجلس تحفظ ختم نبوت کی جانب سے مسلسل اقدام اٹھائے جارہے ہیں۔

اسی کڑی کے پیش نظر کانپور میں یک روزہ تربیتی کیمپ کا انعقاد کیا گیا۔ جس میں مساجد کے ائمہ کرام، علماء دین، مدارس کے اساتذہ اور طلبہ کو مدعو کیا گیا۔

علماء کرام نے دوران خطاب گمراہ فرقوں کی سازش کو بے نقاب کرنے اور اس کے سدِّباب کے پیش نظر مختلف اور کارآمد پہلوؤں پر تفصیلی روشنی ڈالی اور عام مسلمانوں کو اس سے بچانے کے لئے خصوصی لائحہ عمل سے شرکاء کو واقف کرایا گیا۔