ریاست اتر پردیش کے سابق وزیراعلیٰ اور سماجوادی پارٹی کے قومی صدر اکھلیش یادو Akhilesh Yadav نے اتوار کو بارہ بنکی میں وزیراعلیٰ یوگی آدتیہ ناتھ اور بی جے پی حکومت پر شدید نکتہ چینی کی۔
اکھلیش یادو نے طنزیہ انداز میں کہا کہ کاکا تو گئے اب بابا بھی جائیں گے۔ انہوں نے کہا کہ ریاست میں جو ماحول عوام کا ہے، اس سے بی جے پی حکومت کا جانا طے ہے، اس کی وجہ سے بی جے پی رہنماؤں کی چال ڈھال بدل گئی ہے۔
کاکا تو گئے، بابا بھی جائیں گے، اکھلیش
اتر پردیش کے بارہ بنکی شہر کی مورنگ منڈی میدان میں ایک انتخابی ریلی سے خطاب کرتے ہوئے اکھلیش یادو نے کہا کہ جیسے جیسے بی جے پی رہنماؤں کو اپنی شکست کا احساس ہو رہا ہے ویسے ویسے ان کا رویہ بدلتا جا رہا ہے۔
انہوں نے کہا کہ آج کل وہ ہم لوگوں کو اے بی سی ڈی پڑھا رہے ہیں، انہیں نہیں پتا کہ ہم لوگ یہ بچپن میں ہی پڑھ چکے ہیں۔