JP Nadda Slams Samjwadi Party: جے پی نڈا نے سماجوادی پارٹی پر شدید تنقید کی

بھارتیہ جنتا پارٹی کے قومی صدر جے پی نڈا نے ایک پروگرام میں سماجوادی پارٹی کے صدر اکھلیش یادو پر شدید تنقید کی۔ JP Nadda Slams Samjwadi Party

بھارتیہ جنتا پارٹی کے قومی صدر جے پی نڈا JP Nadda نے ہفتہ کو نوئیڈا میں عوامی رابطہ کیا اور لوگوں سے امیدوار پنکج سنگھ کی حمایت میں ووٹ دینے کی اپیل کی۔ اس دوران انہوں نے کہا کہ سماج وادی پارٹی اور غنڈہ گردی ایک دوسرے کے مترادف ہیں۔ انہوں نے ایک بار پھر وزیر اعظم نریندر مودی کی قیادت میں 300 سے زیادہ سیٹوں کے ساتھ یوگی آدتیہ ناتھ کی حکومت بنانے کی اپیل کی۔

انہوں نے کہا کہ وزیر اعلیٰ کے عہدے پر رہتے ہوئے اکھلیش یادو نے گورکھپور میں سلسلہ وار بم دھماکوں کے ملزم سے کیس واپس لینے کی سفارش کی تھی۔ اس وقت عدالت نے کیس واپس لینے پر اکھلیش حکومت کی سرزنش بھی کی تھی۔

اسی طرح سماجوادی پارٹی دور حکومت میں رامپور میں سی آر پی ایف کیمپ پر حملے کے ملزمین کے خلاف بھی مقدمہ ہٹایا گیا۔ یہ الگ بات ہے کہ عدالت نے اکھلیش یادو کی سفارش کو مسترد کردیا اور بعد میں سماعت کے بعد ان ملزمین کو موت اور عمر قید کی سزا سنائی گئی۔

انہوں نے کہا بی جے پی نے ترقی کو عوام تک پہنچایا ہے۔ یہ ذات پات یا مذہب کی بنیاد پر نہیں کیا گیا۔ اگر سڑکیں بنیں، سب کو بجلی فراہم کی گئی، تو وہیں ہر گھر میں جن دھن اکاؤنٹ کھولے گئے، پھر سب کو گیس کنکشن دیے گئے، پھر ہر ذات، ہر مذہب کے لوگوں کو سہولت فراہم کی گئی۔