اترپردیش کے ضلع گوتم بدھ نگر نوئیڈا میں غیر قانونی شراب کی فروخت اور نقل و حمل کی روک تھام کے لئے پولیس اور ایکسائز محکمہ کی مشترکہ چیکنگ مہم جاری ہے۔
اس ضمن میں مشترکہ ٹیم نے پی اے سی فورس کے ہمراہ گاؤں فلیدہ اور چندی گڑھ میں غیر قانونی شراب فروخت کرنے کے مشکوک مقامات پر چھاپے مارے۔
وہیں چھاپے کے دوران ایک ملزم راجن ولد چرن سنگھ کو گاؤں فلیدہ سے 10 لیٹر غیر قانونی شراب کے ساتھ گرفتار کیا گیا۔
ضلع ایکسائز آفیسر راکیش بہادر سنگھ کے مطابق موقع سے ملزمین میں سے ایک دلیپ (ہریانہ کا رہائیشی) اپنی موٹرسائیکل ہیرو اسپلینڈر نمبر HR30W0147 چھوڑ کر موقع سے فرار ہوگیا۔
انہوں نے بتایا کہ دونوں ملزمان کے خلاف تھانہ ربوپورہ میں ایکسائز ایکٹ کی متعلقہ دفعات کے تحت مقدمہ درج کیا گیا ہے۔
