جے این یو طلباء یونین شرجیل امام کی حمایت میں

جواہر لعل نہرو یونیورسٹی کے سابق طالب علم شرجیل امام نے 16 جنوری کو مبینہ طور پر اے ایم یو میں اپنی تقریر میں غلط بیانی کی تھی جس کے بعد علی گڑھ تھانہ سول لائن میں ان پر غداری کا مقدمہ درج کیا گیا تھا۔

شرجیل امام کے خلاف غداری کا مقدمہ درج ہونے اور انہیں پولیس کی جانب سے مبینہ طور پر ہراساں کرنے کے بعد جواہر لعل یونیورسٹی طلباء یونین شرجیل کی حمایت میں آگے آئے ہیں۔

جے این یو طلباء یونین کی جانب سے جاری کردہ نوٹ

جے این یو طلباء یونین کی جانب سے کہا گیا کہ 'شرجیل کے بیان کو میڈیا کے ذریعہ توڑ مروڑ کر پیش کیا گیا ہے جبکہ اسے اور اس کے اہلخانہ کو پریشان اور ہراساں کیا جارہا ہے۔

شرجیل امام کی والدہ کا خط

جے این یو طلباء یونین نے مزید کہا کہ 'شرجیل امام کو جس طرح اتھارٹی کی جانب سے مبینہ طور پر دھمکی دی جا رہی ہے اس سے اس کی بزرگ ماں بہت صدمہ میں ہے۔

انہوں نے کہا کہ ہمیں قانون پر بھروسہ ہے اور اس کے لیے ہم انتظامیہ سے ہر طرح کا تعاون کریں گے۔