اے ایم یو ڈاکٹروں نے ٹیومر کا کامیاب آپریشن کیا

علی گڑھ مسلم یونیورسٹی (اے ایم یو) کے جواہر لعل نہرو میڈیکل کالج و اسپتال کے ڈاکٹروں نے 17 سال کی ایک لڑکی کے دل کے پاس ٹیومر کا کامیاب آپریشن کیا.

ریاست اترپردیش کے ضلع فروزآباد کی رہنے والی 17 سالہ صبا گزشتہ چار برس سے نامعلوم درد سے پریشان تھی. اسے سانس لینے میں دشواری ہوتی تھی اور وہ بے ہوش بھی ہو جاتی تھی. جانچ میں معلوم ہوا کہ اس کے دل کے پاس ٹیومر ہے۔ جواہر لعل نہرو میڈیکل کالج کے کارڈیو تھوریسک سرجنوں نے ٹیومر کا آپریشن کرکے صبا کو ایک بیماری سے نجات دلائی۔

کارڈ یوتھوریسک سرجری شعبہ کے چیئرمین ڈاکٹر ایم اعظم حسین نے ڈاکٹروں کی ٹیم کی قیادت کی جس میں ڈاکٹر سمت پرتاپ سنگھ اور ڈاکٹر مینک یادو شامل تھے۔ ڈاکٹر صابر علی خاں کلینیکل پر فیوثنسٹ تھے جبکہ ڈاکٹر ندیم رضا نے استھیسیا دیا۔ ڈاکٹر ہرش، ڈاکٹر شاہد اور ڈاکٹر لکشیہ واشنے نے طبی نگہراشت میں تعاون کیا۔

ڈاکٹر اعضم حسین نے کہا کہ اس طرح کی بیماری میں مریض کی دل کی دھڑکن یا تو بہت تیز یا بہت سست ہو جاتی ہیں اور چونکہ اس معاملے میں ٹیومر دل کے والو سے نکل رہا تھا اس لیے یہ ایک پیچیدہ سرجری تھی انہوں نے کہا کہ ہمیں ٹیومر کو نکال کر اور والو کو تبدیل کیا۔

اسی اثناء اے ایم یو وائس چانسلر پروفیسر طارق منصور نے پوری ٹیم کو ان کی سنجیدہ کوششوں کے لیے مبارکباد پیش کی ہے۔




پروفیسر شاہد علی صدیقی پرنسپل جواہر لعل نہرو میڈیکل کالج نے بتایا کہ میڈیکل کالج میں گزشتہ تین برسوں میں 400 سے زیادہ کامیاب آپریشن کیے گئے ہیں اور کووڈ کی وبا کے باوجود سرجری خدمات فراہم کی جا رہی ہے ہیں۔