جونپور ضمنی انتخاب کی سرگرمیاں تیز

سماجوادی رہنما اور کارکنان ضمنی انتخاب جیت کر اس سیٹ کو دوبارہ سماج وادی کے کھاتے میں ڈالنے کی کوشش میں لگےہیں۔

ریاست اتر پردیش کے ضلع جونپور میں ضمنی انتخاب کو لیکر علاقے میں کافی چہل پہل کا ماحول ہے۔ امیدوار اس نشست کو اپنے نام کرنے کی تمام ترکوششوں میں لگے ہیں۔

جونپور کی ملہنی اسمبلی سیٹ پر ہونے والے ضمنی انتخاب کے پیش نظر سماج وادی رہنما لکی یادو نے منگل اپنے دفتر کا افتتاح کیا۔ لکی یادو سابق ایس پی رہنما پارس ناتھ یادو مرحوم کے بیٹے ہیں جو سماج وادی پارٹی کے مضبوط رہنما تھے۔ اپنے والد کی وفات کے بعد ملہنی اسمبلی کی سیٹ خالی ہوگئی تھی جس کے لئے ایس پی کے ضلع صدر نے لکی یادو کا نام امیدوار کے طور پر قومی صدر کو بھیجا تھا۔جس کے بعد لکی نے عوام سے ملنے کا عمل شروع کر دیا ہے۔

سماج وادی رہنما اور کارکنان ضمنی انتخاب جیت کر اس سیٹ کو دوبارہ سماج وادی کے کھاتے میں ڈالنے کی کوشش میں لگے ہوئے ہیں۔لکی کا کہنا ہے کہ عوام نے ان کے والد کو خراج عقیدت پیش کرنے کے لئے لکی کو رکن اسمبلی بنانے کا ذہن تیار کرلیا ہے اور اسی وجہ سے جو بھی شخص ان کے حلقے سے ان سے ملنا چاہتا ہے وہ اپنے تمام مسائل کے ساتھ ان کے دفتر آسکتا ہے۔ اس موقع پر سماج وادی پارٹی کے مع ضلع صدر، ضلع کے متعدد رہنما موجود تھے۔