جونپور: سماج وادی پارٹی کے ضلع دفتر میں تعزیتی پروگرام

پارٹی دفتر میں ایک کارکن کی والدہ کے انتقال پر ہوئے تعزیتی پروگرام میں ضلع صدر نے کہا کہ ماں ہی وہ واحد ہستی ہے جو اپنی اولاد کے لیے تمام دکھ درد برداشت کرتی ہے اور بیٹا بھی اپنے سارے مسائل کو ماں سے ہی بیان کرتا ہے۔

اتر پردیش کے ضلع جونپور میں سماج وادی پارٹی کے رکن علی منظر ڈیجی کی والدہ کے انتقال ہونے پر آج سماج وادی پارٹی کے ضلع صدر لال بہادر یادو نے سماج وادی پارٹی کے دفتر میں تعزیتی پروگرام کا اہتمام کیا۔ اس موقع پر ان کی والدہ کو خراجِ عقیدت پیش کرتے ہوئے انہوں نے کہا کہ ماں کی ہستی سب سے زیادہ اہمیت کی حامل ہے۔

انہوں نے کہا کہ ماں ہی وہ واحد ہستی ہے جو اولاد کی خاطر تمام دکھ درد برداشت کرتی ہے۔ وہ اپنے بیٹے کو کبھی بھی ناخوش نہیں دیکھ سکتی اور بیٹا بھی اپنے سارے مسائل کو ماں سے ہی بیان کرتا ہے۔

انہوں نے کہا کہ جب ماں نہیں رہتی تو ایسا لگتا ہے کہ ہم نے پوری دنیا کو کھو دیا ہے ماں کی جگہ کوئی بھی نہیں لے سکتا۔

تعزیتی پروگرام میں ہشام الدین شاہ، شیام بہادر پال، کمال الدین انصاری، سرون جیسوال، پونم موریہ، راہل ترپاٹھی، جے پی یادو وغیرہ موجود رہے۔