بارہ بنکی: کنویں کے پانی سے یرقان کا علاج

ملک کے تمام خطوں کو قدرت نے مختلف اقسام کی بخشی ہیں۔ انہیں میں سے ایک ہے ریاست اتر پردیش کے بارہ بنکی شہر سے تقریباً 25 کلومیٹر دور بی بی پور گاؤں میں واقع ایک کنواں۔ اس کنویں کے بارے میں لوگوں کا عقیدہ ہے کہ اس کنویں میں غوطہ لگانے سے یا پانی کے پینے سے یرقان کا مریض شفا یاب ہو جاتا ہے۔ جس کی وجہ ہے کہ سینکڑوں برسوں سے یہاں دور دراز سے لوگ یرقان کا علاج کرانے آتے ہیں۔

بارہ بنکی کے بی بی پور گاؤں کا یہ کنواں صرف آس پاس کے علاقوں میں ہی مشہور نہیں ہے بلکہ ملک کی مختلف ریاستوں سے لوگ برسوں سے یرقان کا علاج کرانے کے لیے یہاں آتے ہیں۔

ویسے تو یہاں روز نہاکر اور پانی پیکر یرقان کی بیماری کا علاج کیا جا سکتا ہے، لیکن اتوار اور منگل کے روز خاص اہتمام کیا جاتا ہے۔

ان دو روز میں تمام مذاہب اور ہر قسم کے لوگ یہاں نہانے اور پانی لینے آتے ہیں۔

یرقان کے علاج کا یہ دیسی طریقہ بہت ہی آسان اور سستا ہے جس کی وجہ سے کثیر تعداد میں یہاں یرقان کا علاج کرانے کے لیے آتے ہیں۔

غورطلب ہے کہ کنوئیں کے پانی میں ایسا کیا ہے، جس سے یرقان کا علاج ہو جاتا ہے اس کی وجہ تو کسی کو نہیں معلوم، لیکن لوگوں کا ماننا ہے کہ کوئیں کی سطح میں سلفر کی چٹان ہیں، جس کی وجہ سے یرقان کا علاج ہو جاتا ہے۔